منتديات احباب الدجيل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


لكل احباب الدجيل
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» اغرب سيارةفي العالم
[قصيدة] ملينة الجذب I_icon_minitimeالأحد مارس 28, 2010 2:18 pm من طرف سيف الحتاوي

» مثل وقصه (تالي الليل تسمع حس العياط
[قصيدة] ملينة الجذب I_icon_minitimeالسبت مارس 27, 2010 2:17 pm من طرف سيف الحتاوي

» شخصية المراه من خلال المرأة((المرايه))
[قصيدة] ملينة الجذب I_icon_minitimeالسبت مارس 27, 2010 1:58 pm من طرف محمد ضياء الزبيدي

» عذرا للنساء
[قصيدة] ملينة الجذب I_icon_minitimeالسبت مارس 27, 2010 1:38 pm من طرف محمد ضياء الزبيدي

» صديق جديد ممكن
[قصيدة] ملينة الجذب I_icon_minitimeالسبت مارس 27, 2010 1:33 pm من طرف محمد ضياء الزبيدي

» الصبر مفتاح الفرج
[قصيدة] ملينة الجذب I_icon_minitimeالسبت مارس 27, 2010 1:30 pm من طرف محمد ضياء الزبيدي

» ممكن اغاني حسام الرسام
[قصيدة] ملينة الجذب I_icon_minitimeالخميس مارس 18, 2010 1:49 am من طرف سبارتن

» قصة حــــــــــــــــــــب بيــــــن الــطـلي و الطـلــــــــيـــة ... الحب الحقيقي ...
[قصيدة] ملينة الجذب I_icon_minitimeالإثنين مارس 08, 2010 6:06 am من طرف سيف الحتاوي

» ثيمات ويندوز 7 للحاسبة اكثر من مئة ثيمة
[قصيدة] ملينة الجذب I_icon_minitimeالخميس مارس 04, 2010 2:34 am من طرف علي نهاد الدجيلي

أفضل 10 أعضاء في هذا المنتدى
محمد ضياء الزبيدي
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
ليث السلامي
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
شهاب الدجيلي
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
عراقي انا
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
فاضل الزبيدي
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
مصطفى نت
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
القلب الحنون
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
عباس هادي عباس الدجيلي
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
سبارتن
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
دلوعة الدجيل
[قصيدة] ملينة الجذب Vote_rcap[قصيدة] ملينة الجذب Voting_bar[قصيدة] ملينة الجذب Vote_lcap 
المتواجدون الآن ؟
ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 21 بتاريخ الأربعاء مارس 01, 2023 1:14 pm

 

 [قصيدة] ملينة الجذب

اذهب الى الأسفل 
كاتب الموضوعرسالة
ليث السلامي
نائب المدير العام
نائب المدير العام



عدد المساهمات : 127
نقاط : 381
تاريخ التسجيل : 22/07/2009

[قصيدة] ملينة الجذب Empty
مُساهمةموضوع: [قصيدة] ملينة الجذب   [قصيدة] ملينة الجذب I_icon_minitimeالسبت أغسطس 08, 2009 3:59 pm

مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره

ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليه الحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذ الاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره

مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره

هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه


مرحوم الـــــــعراق استشهد من سنين
يا وسفه صفـــت أشلائه مـــــتنثره

متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره No
الرجوع الى أعلى الصفحة اذهب الى الأسفل
 
[قصيدة] ملينة الجذب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب الدجيل :: منتديات ادب وشعر :: منتدى الشعر الشعبي-
انتقل الى: