ده
السلام عليكم
اليكم قصيده عشق ازليه
ارجو ان تعجبكم
/
/
خلك ماصرت لوما خليلي اتصير
وصرت خلي برضاتك جي صرت خلك
علمتك علية من الالف للياء
تغلط بالاجابة وانة اعدلك
حركت الخاطرك بالروح
حركث الكاع بوسات ورد كل خلكي اشتلك
شمعة انتة بحياتي وعمري ظلمة ليل
شعلت روحي وخفت ماشعلك اشعلك
اخاف سنين عمرك تحترك بالشوك
اضملك كمت ومن عمري اعزلك
عليك اتسودنت موبس اخاف عليك
احل روحي واكضك خايف اتحلك
واغمض من اشوفك واخدر على الصوت
غلطة انتة بحياتي وابد مازلك
كم بليس اطرد من يوزني عليك
وكم شيطان ارجمة بعمري واشتلك
ماصيرن نبي بس راهب انا وياك
بايت المحبة بشوك ارتلك
شلي بغيرك انتة والكة مثلك وين
وتتعب تلكة غيري بهاالتعب شلك
ياهو العلمك وتريد تمشي بعيد
سل الشوك خايف باجر يسلك
مثل ظلك جنت بالخطوى نمشي ثنين
مشيت انتة بظلام وتيهت ظلك
دليني عليك اسنين تايه بيك
ومشي وياي يمي خاطر اندلك
عرفني على شخصك رايد احجي وياك
بس كلمة وبعد ماغيرها انكلك
وحدة من الاثنين وحدة راح اختار لو كلك احبك لو احب كلك
.........
تحياتي
سيف الحتاوي