شعر شعبي للشاعر ابو محمد المياحي

بسم الله الرحمن الرحيم

اللهم صلي على محمد وال بيت محمد وسلم تسليما كثيرااا

هذه القصيده للشاعر الكبير (ابو محمد المياحي)

بحق مولانا وسيدنا ابا الحسن علي ابن ابي طالب عليه السلام


ما همني دور الزمن ان جان الي يا علي
واليوم احس الفرح كل الفرح يا علي
ما خون انا بعشرتي اشهد علي يا علي

يامن تربي الدغش المن يعني تراب
دثرت جيحة مطر وتريد منها تراب
بس انته در يا علي والناس كلها تراب

كشور هاي الخلك وال الرسول الباب
متمسكه بحبهم بس الي عدها الباب
يا سامعي ارد انشدك يا جف دحاها الباب

جف الي كلها النبي اهلاً هلا مرحبا
صدر الصميده رحب يوم الوغى مرحبا
وبكلشي عادل علي حتى بطبر مرحبا

من طبر جسم العدو حامي الحمه عادله
يبتسم بالمعركه عقد الولاه عاد اله
خسرا ابد ما ربح كل الذي عادله

يامن تحبه هلا ويامن تضده ولي
عليك باجر علي وياي حيدر ولي
والينه حامي الحمه ما نرضه غيره ولي

ونغيب بمحبتك كل ما تمنه جار
خلينه لجلك علي ع الشوك نشبع جر
جيرانك احنه علي وندريك حامي الجار

والوكت بوجوهنه قفل ابوابه وسد
قلعه انته يا ابا الحسن لجل اليحبك وسد
معروف بالمعركه فارس يحيدر وسد

عليج جبد العدو يخسه العدو عللك
تعرف بكل العلل محد عرف عللك
رادوك تنصه علي ورب العرش عللك

لدين يا ابا الحسن منهو الي غيرك حمه
والما حوه محبتك ريتً تطكه حمه
يا من بشده طحت كوم انخه حامي الحمه

لا تسئل على الجرح شلي نزف شده
بالصبر يا سامعي جرح الكلب شده
بس صيح يا ابا الحسن لا ماتظل شده

بسم الوصي صيحتك لرب العرش ودها
والي تود الوصي يا سامعي ودها
منهو الي غيره برز من صاح ابن ودها

غير الصميده علي لا مابرزله وحد
وبركبته المرتضه سنن فقاره وحد
مولاه انته يا سيدي صرت علكلمن وحد

حتى اليضدك دنب وكت الشدد (ياااااااااااااااااااااعلي)